Overview ng mga server-based security policy

Ang mga server-based security policy, na kilala rin bilang mga organizational policy, ay namamahala sa access sa mga PDF sa organizational level. Nakaimbak ang mga policy na ito sa Adobe Experience Manager – Forms Server (Document Security) at ipinapatupad tuwing binubuksan ang isang protektadong dokumento. Pinapahintulutan ng centralized management ang mga organisasyon na mag-expire o mag-revoke ng mga dokumento at subaybayan ang paggamit nang hindi muling ipinamamahagi ang mga file.

Ang pag-unawa kung paano gumagana ang mga policy na ito ay tumutulong sa iyo na pumili ng tamang uri ng policy at pamahalaan ang mga protektadong dokumento.

Pag-authenticate ng mga organizational policy

Gumagamit ang mga organizational policy ng server-based authentication model para tiyaking palaging na-validate ang mga access permission laban sa kasalukuyang mga policy rule.

Sa isang server-based authentication model:

• Nakaimbak ang mga policy sa server sa halip na sa local computer.
• Inilalapat ang mga policy sa PDF bago ipamahagi.
• Tinutukoy ng mga policy kung maaaring buksan, i-edit, o i-print ng mga user ang dokumento.

Kapag binuksan ang protected PDF, vine-verify ng server ang identity at mga pahintulot ng user bago magbigay ng access. Kung denied o revoked ang access, nananatiling encrypted at hindi available ang dokumento.

Mga yugto ng server-based security policy

Sumusunod ang mga server-based security policy sa consistent na lifecycle na sumasaklaw sa administration, proteksyon ng dokumento, user access, at patuloy na pamamahala.

• Pag-configure ng Forms Server
  Kino-configure ng administrator ang Adobe Experience Manager – Forms Server (Document Security) para sa organisasyon. Kasama sa setup na ito ang pamamahala sa mga user at paggagawa ng mga organizational policy na available para sa mga awtorisadong author.
• Pag-publish ng mga protected document
  Ini-apply ng author ang organizational policy sa PDF. Gumagawa ang server ng lisensya na namamahala sa mga access permission, kasama ang natatanging encryption key na ini-embed ng Acrobat sa dokumento para ipatupad ang mga patakaran na iyon. Maaaring gamitin ng author o admin ang lisenysa na ito para subaybayan at mag-audit ng PDF.
• Pag-access sa mga protected document
  Kapag binuksan ng recipient ang protected PDF, ina-authenticate ng server ang user. Kung aprubado ang access, bububukas ang dokumento na may mga pahintulot na tinukoy ng policy.
• Pamamahala ng access at pag-audit
  Maaaring i-track ng mga authorized user ang document activity, i-audit ang paggamit, at baguhin o bawiin ang access sa pamamagitan ng Forms Server. Nagkakaroon ng epekto ang mga pagbabagong ito nang hindi na kailangang i-redistribute ang dokumento.